.:.:.:.:.: سيـــــادة العضـــــو :.:.:.:.:.

هقول ليكوا الحكاية وهقولها من البداية

أصلها لا حكاية حانوتى ولا حتى حكاية داية

دى حكاية عضو فى مجلس الشعب بتاع دولتنا

رفع الجذمة وقال ماتجيب ياعم فلوسنا

دول أربعين مليار قول جبتهم منين

فنطهم لى ببساطة وسرقتهم من مين

قام صاحبنا قايل له طب وانت ياعم

ولا انت متغاظ منى خليك بقى فى حالك

دأنا ابن الحزب الحاكم مش من معارضة خايب

آخرك عاوز فلوس ولا طن حديد سايب

وبيسألوا رئيس المجلس قام صاحبنا قايم

وقال اعفونى ياجماعة أصلى كنت نايم

واتطبخ الموضوع وطلع م المحكمة

وطلعت قال ياويلى دأنا هترفع فى السما

وخلصت الحكاية وحصلت العبارة

واتحطت مع الزمالك فى أسمنت الشيكارة