.:.:.:.:.: بايـــــن علـــــى عيونـــــك :.:.:.:.:.

بايــــن علــــى عيونــك أوى ..... حبـــى وليــــه بس تداريـــــه

سامــع كــلام قلبــك لقلبـى ..... حاسس كمــان هتقولــى إيــــــــه

ده أنتـى حياتـى ودنيتى ..... حبـى اللى يامـا جريـــت عليــــــــه

وتخبـــى ليــه علــى قلــب عـاش ..... يحلـم بيــوم تكونـى فيــه

لمســة أمــل همســة عيــون ..... بــات رمشهـا كــده سهـــران

شغلالـى بالـى  نـار فـى قلبـى ..... الشـوق حطبهـا وبيهـا آن

أوان فيـــه الشمــوس تطلــع ..... تـنــوّر قلبــــك الحيــــران

مادام حيرتـــك مـــع شوقــــك ..... مــــع حبــك عليــه بيبــــان

دارينـــى جـــــوا نـــــن العيــــن ..... وبرموشــــك وغطّينــى

راعينـى وخلى فــى الأيــام ..... ما تنزلشــــى دمـــوع عينـــى

وشوفــى اللهفــة فــى عيونـى ..... دى كلمــة شـــوق تكفيـنـى

ياروح القلــــب ياعمــــرى ..... يا لمســــة أيـــــد تدفينــــــى

كســـــوف شمســــك وأحلامـــك ..... تقـولّك ليكـى تاخدينـــى

.:.:.:.:.: دايت فى دايت :.:.:.:.:.

"يوووووووووووووووووووووه ........ كل يوم من الأكل ده "
أنا بصراحة قرفت ياماما .........؟!!!!
ولقيت مامتى بتضحك عليا وبتقول ........ " يعنى كان حد ضربك على أيدك.....؟!!!!"
المهم ........ بصيت على الأكل ولقيت - خير اللهم أجعله خير - طبق مدوّر وحلو كده وأمور ع الترابيزة وفيه بيضة ..........!!!!!!!
وجنبة ورغيف سن يدوب كدة يأكل عيل صغير عندة 6 شهور ( العيل طبعا مش رغيف العيش) 
" أمرى لله بقى " ........... مهو مفيش أكل فى نظام الدايت بتاعى غير كده 
وقعدت وقتها أسأل نفسى أنا أية اللى خلانى أساسا أعمل دايت ........؟!!!!
" البيض المسلوق هو العمود الأساسى لنظام الدايت السليم لأنة قليل السعرات " 
ده كان كلام الدكتور اللى كان لازم أسمعة وأمشى علية .........
عدى بتاع أسبوع على النظام دة وكل يوم الصبح بيض مسلوق ......... بيض مسلوق ......... بيض مسلوق ......... 
لغاية ماجبت آخرى و كنت ............. هكره البيض المسلوق وغير المسلوق ........!!!!!!
والغدا ......... ياسلام ع الغدا ياسلام 
أربع معالق رز أو مكرونة - الله يرحم - نص الحلة بالظبط كنت بخلصها لوحدى 
والعشا ........... آكل بردة ربع رغيف وحتة جبنة ..... بسم الله ماشاء الله واللهم لاحسد 
زماااااااااااااااااااااان كان العشا دة مقدّس بالنسبة ليا وكان يعتبر الوجبة الاساسية .......
يعنى يادوب كده كنت باكل بتاع اتناشر تمنتاشر رغيف فى العشا ...... وغيره وغيره ...... يعنى كان الاكل يتسمى أكل 
ياحسرة على دلوقتى ...........!!!!!!!!
كوبايتين مية قبل الاكل ............ وكوباية فى وسط الأكل ......... وطبق سلطة كبيييييييييييييييييييييييير قبل الغدا 
وبعدين نبدأ ناكل .......... ناكل أية بقى .......؟!!!!!
ما بطنى بقت مليانه مية وطماطم وحاسس أن دماغى هتزرّع ............!!!!!!!
وبين الوجبات أكيد لازم يكون فية أكل أمال اية أحنا مش بنلعب دا دايت بقى .........
بين الوجبات ثمرة فاكهة .........؟؟؟؟؟؟
بسسسسسسسسسسسسسسسسسسسسسسس؟؟؟؟؟؟
الله يرحم الواحد كان بيخلص فى اليوم بتاع اتنين كيلو فاكهة أو أكتر موز على برتقال على فراولة .... أيام وراحت لحالها .....
ولو عايز أشرب شاى يبقى من غير سكر ......... يانهارأبيض ........!!!!!!
من غير سكر ............. لييييييييييية .....؟!!!!!
دأنا كنت بجيب السكرية وبحط فيها المية و الشاى ............. وتقوللى من غير سكر .....؟!!!!!
ودى كانت حكايتى مع أول أسبوع دايت ليا بعد حرمانى من جميع أنواع المقرمشات والمشهيات والـــ ........ والـــ ........ والـــ ........ والـــ ........ والـــ ........ والـــ ........ والـــ ........ والـــ ........ والـــ ........ والـــ ........ 

أما دلوقتى بقى هحكيلكم حكايتى مع واحد بحبة فى الله ........
................ د / يحيــــــى التملــــــى .....................

 فى يوم كنت رايح ليحيى علشان أعمل معاه جدول مذاكرة - فكرة مجنونة بس هتنجح - ودى من الحاجات اللى اتعلمناها فى اللجنة بتاعتنا أن الافكار المجنونة هيا اللى بتنجح وأتعلمنا ازاى نعمل جداول مش مشكلة التنفيذ بس نبقى عملنا جدول ودى خطوة مبدأية والتنفيذ مسيرة هييجى فى يوم م الأيام ..........
رحت ليحيى وبيتة فى الدور الأتناشر فى عمارة الشرق والعمارة فيها أسانسير واحد بس اللى شغال وتلاتة عطلانين فطبعا ده معاناه فى حد ذاتها لكل مستخدمى الاسانسير .........
وصلت عندالعمارة ورنيت ليحيى علشان ينزل مرة واتنين وتلاتة وأر ......... 
ولكن هيهات .....!!!!!!
قلت خلاص مبدهاش بقى وأتصل بيه 
بردة مرة وأتنين وتلاتة وأر ............ 
وبردة هيهات ............!!!!!!!
بتاع أكتر من ربع ساعة ومحدش يرد ومحدش نزل ...........
فقلت أكيد الموبايل بتاع يحيى فى البلكونة ، فى الدولاب ، تحت المرتبة ، فى الزبالة يعنى أى حاجة م الأماكن التقليدية اللى يحيى بيحط فيها الموبايل بتاعة ............!!!!!!!!
فقررت احد القرارات العظيمة
قررت أنى أطلع - بالأسانسير طبعا - ووقفت قدام الاسانسير العقيم بتاع العمارة مستنى الفرج 
وأول لما فتح الاسانسير لقيت يحيى فى وشى وكان سعيد كالعادة وبيبتسم الابتسامة المميزة بتاعتة 
فقلت أحمدك يارب فقاللى تعالى نطلع فوق مع اننا متفقين أننا ننزل مع بعض 
طبعا مكنتش هقعد اتناقش معاه ونطيت فى الاسانسير بسرعة لأنة لو طلع مهواش نازل ولا بعد بكرة وخصوصا أنة مبيقفش الا فى الادوار الفردية ............. غتاتة يعنى .......... ( بس عملوا واحد للزوجى جديد )
وجوا الأسانسير يحيى قاللى كلمة جننتنى وزهقتنى من الاسانسير بتاعهم أكتر وأكتر وأكتر 
قاللى ......... أنا واقف قدام باب الأسانسير من بعد اول رنة ...................!!!!!!!!
المهم ......... دخلنا شقة يحيى ولقينا جذمة نضيفة أوى ومتلمعة 
فقلتلة جذمتك دى يايحيى .........؟!!!!!
فقاللى طبعا لأ ............... يابنى أنا شخصية ملحوسة ..........!!!! 
وقهقه ............!!!!!!!
ودخلت اوضة يحيى وياريتنى مادخلت .........
أوضة منظمة جدا جدا جدا جدا جدا  
ومرتبة بردة جدا جدا جدا جدا جدا 
أخو يحيى جابلنا عصير انا كنت فى أول يوم من الدايت فما شربتش العصير 
فراح يحيى علشان يعمللى شاى بسكر فركتور " سكر الريجيم " فلحسن حظى لقى الفركتوز خلصان
فخليتة يعملة من غير سكر وكانت أول مرة أشرب الشاى من غير سكر خاااااااااااااااااالص.........!!!!!!
وأخونا يحيى - اللى هيهات م الصبح - كان عايز يعمل دايت فسألنى أنت بتاكل أية ...؟؟؟
فقلتلة .........
الفطار :- رغيف سن + طبق سلطة + بيضة مسلوقة أو جبنة أو 3 معالق فول
الغدا :- قطعة لحم او فراخ أو سمك + 4 معالق رز أو مكرونة + طبق سلطة 
العشا :- رغيف سن + طبق سلطة + بيضة مسلوقة أو جبنة
فلقيت يحيى بيقول ليا وبراءة الاطفال فى عينية ........
مينفعش الحاجات دى كلها على بعضها ..........!!!!!!!
وكالعادة قهقه بصوت عالى 
ولكن بدأ الريجيم من تانى يوم 
ويومها نزل مشوار الساعة 8 الصبح من غير فطار ورجع الساعة 11:30  
فقال أنا هفطر رغيف سن وحتة جبنة 
فكلهم ولقى نفسة لسة جعان ...........!!!!!!
فقال هاخد كمان بيضة 
فكلها ولقى نفسة لسة جعان ...........!!!!!!
فقال خلاص أنا هاكل كمان 3 معالق فول 
فكلهم ولقى نفسة لسة جعان ........!!!!!!
المهم فى النهاية عمل ذى ماكان عايز يعمل " أكلهم كلهم "
دى كانت حكايتى انا يحيى و الريجيم 
واتمنى انكم تكونوا استفدتم 
والى لقاء آخر وموقف آخر من مواقف الحياه

ملحوظة : الريجيم دة نظام فااااااااااااااااااشل !!!

.:.:.:.:.: غريب هــذا الحـــــب :.:.:.:.:.

لست أدرى من أين أبدأ .......؟؟؟ ولا كيف أبدأ .......؟!!!
فكيف أبدأ ....... وقد انتهى حبى .......
كيف أبدأ ....... وذكريات الماضى تُهاجمنى ...!!!
كيف أبدأ ....... وذكرياتى تفترس أحلامى ...!!!
وحاولت كثيرا ترويض تلك الذكريات ...... 
ولكن لم استطع ......
فكنت اتساءل ....... ومازلت اتساءل .......
هل أصبح الحب وهماً فى هذا العالم .......؟!!!
هل أصبح وحشاً ....... يلتهم أحباءه .......؟!!!
وهنا دقت الساعات ....... وأعلنت أنه وقت النهاية .......
نهاية حبى .......
ولكن ....... بداية حياتى .......
فقد كنت أبحث عن حب ملائِكىّ .......
لا من صنع البشر .......
فطال بحثى عن محبوبتى ....... وطال .......
بحثت عنها فى كل مكان ....... حقاً فى كل مكان .......
بحثت عنها ....... على ظهر طريقٍ .......
بحثت عنها ....... فى بطن كوخٍ .......
بحثت عنها ....... خلف أقدام سرابٍ .......
وفجأة ....... هاهى أمامى ....... أمامى .......
نظرت اليها بعينين متسعتيّن ...... 
وعقلٍ طار بجناحين .......
وقلبٍ يرفرف ....... ويرفرف ....... 
الى أن سمعت دقاته ....... تشدو بأروع الأنغام
نظر اليها ....... ليجد فيها مالم يجده فى أى من النساء قط .......
وجد فيها ....... شعراً ذهبياً ....... يتلألأ تحت شمس الصحراء 
وجد فيها ....... عينان زرقاوان .......
وجد فيها ....... شفتان كالعنقودِ مرسومتان .......
وصوتٍ كبلبلٍ ....... يغرد بأعذب الألحان .......
أحببتها ......... أحببتها من كل قلبى .......
وملكت كل مشاعرى ....... وسرنا فى طريقٍ .......
وطال سيرنا ....... الى أن وصلنا لأولى عقبات حبنا .......!!!!
وهنا ...... حملت عيناى بحوراً من الدموع ....... 
وأنا أفارق محبوبتى .......
كيف هان الحب عليها .......؟!!!
تساءلت كثيراً وكثيراً .......
هل كان حباً ....... يستحق أن أضحى من أجله .......؟!!!
هل هى تستحق ذلك القلب المسكين .......؟!!!
افترقنا ....... حقاً افترقنا .......
وصورتها لاتفارقنى .......
وحياتنا ....... شريط سينمائىّ يمر أمام عيّناى فى كل وقتٍ وحينٍ .......
ولكن فقط أتساءل ....... هل كانت تُكن لى حباً مثل حبى لها .......؟!!!
افترقنا ....... وافترقنا ....... وافترقنا .......
لم تعرف ....... كيف تحافظ على حبيبها .......؟!!!
لم تعرف ....... كيف تحافظ على قلب لم يكن إلا مليكها .......؟!!!
لم تعرف ....... كيف يكون الحب .......
لم تعرف ....... و لم تعرف ....... و لم تعرف .......
تركتها ....... وكنت أظن أنى لن أعيش إلا بها .......
تركتها ....... وقد انثنت يدى عند وداعى لها .......
وسرت فى طريقى ....... ولم أنسها .......
سرت أبحث ....... عن مَن تهدى لى قلبُ ....... يعرف معنى العشق
سرت أبحث ....... عن مَن تستحق الحب .......
ووجدتها .......
وجدت فيها ....... الذكاء مع الرقة 
وجدت فيها ....... الضياء 
وجدت فيها ....... الجمال الذى لا أعرف من أين يأتى .......؟!!!
ولا أدرى ........ حقاً لاأدرى .......
كيف أقول أنى أحببتها .......؟!!!
لا أدرى ....... كيف أصارحها .......؟!!!
ولسانى ....... لايتوقف عن ذكر اسمها .......
أفيعجز ان يقول كلمة ....... لطالما قد تكون هى من تستحقها .......؟!!!
حقاً .......
.......غريب هذا الحب .......
.......غريب هذا الحب .......
.......غريب هذا الحب .......

.:.:.:.:.: اطمنـــــــــــــى :.:.:.:.:.

ياميـــــن يقولهـــــا ....... عاللى بيحبهـــــــا
قلبى مشغول عليهـا ....... مفتون بحُبهــــــــا
....... وسنيـــــــن .......
وسنيـــــــن وبـدارى حبى وشوقى ليهـــــــــا
....... وحنيـــــــن .......
وحنيــــــن بايـــن فى عينـــــى وفـ عنيهــــــا
....... وغـــــــرام .......
وغـــــــرام ســـــاكن كتيـــــر جوا القلـــــوب
والشـــــوق عمّــــــال يزيــــد يسأل عليهـــــا
....... اطمنـــــــــــــى .......
أيــــــوه بحبــــــك قلتهــــــا جـــــوا قلبـــــى مـــــن زمـــــان
....... اطمنـــــــــــــى .......
عُمر قلبـــى ماينســـى يـــــوم قلبــــك أنتـــى مهمــــا كــــــان
....... اطمنـــــــــــــى .......
قلبــى عُمــره مايـــــوم يخــون حبنـــــا اللى عليكـــى بـــــان
....... اطمنـــــــــــــى .......
هــــو النصــيب ..... وإن بقينـــا لبعض يبقــى الرب صـــان
....... اطمنـــــــــــــى .......
والقلــــب دايمـــا ينـــادى نِفســـه يـــلاقيكـــى قـــدام عنيـــــه
وفـ لحظـــة تبقـِــى فـــ حضنـــه مـــش بـــس مــابيــن أديــــه
وشوقـــه نـــاره تنطفـــى فـ لحظــــة لُقـــــا وترجـــع تزيــــــد
لحظـــة وداع حــس بضيـــاع بعـــد ماكــان انســــان جديـــــد
....... اطمنـــــــــــــى .......
أيــــــوه بحبــــــك قلتهــــــا جـــــوا قلبـــــى مـــــن زمـــــان
....... اطمنـــــــــــــى .......
عُمر قلبـــى ماينســـى يـــــوم قلبــــك أنتـــى مهمــــا كــــــان
....... اطمنـــــــــــــى .......
قلبــى عُمــره مايـــــوم يخــون حبنـــــا اللى عليكـــى بـــــان
....... اطمنـــــــــــــى .......
هــــو النصــيب ..... وإن بقينـــا لبعض يبقــى الرب صـــان
....... اطمنـــــــــــــى .......

وبسرعـــــه قلبهـــــا اتكلـــــم ....... ورا نظــــــرات العيـــون
قــــال القلـــــب اللى حـــَب ....... عُمــــره مايقــدر يخــــــون
وفـ لحظـــة سكـــت الكــــلام ....... كـــان من قلبـــى الســـؤال
كلمـــــة قبـــــل الســـــلام ....... حبنــــا ممكــن يهـــون ...؟!!
ردت وقلبــــى شايـــــف ....... همســــــة بيــــن الشفايــــــف
تهمـــس ليـــا بتســـأل .......ع الحـــب حبيبــى خايــــف ...؟!!

عُمر قلبـــى ماينســـى يـــــوم قلبــــك أنت مهمــــــا كــــــــان 
قلبــى عُمــره مايـــــوم يخــون حبنـــــا اللى عليــــا بـــــــان
....... هو النصيب .......
...... وإن بقينــــــا لبعـــض يبقــــى الـــــرب صــــــان ......
...... وإن بقينــــــا لبعـــض يبقــــى الـــــرب صــــــان ......
...... وإن بقينــــــا لبعـــض يبقــــى الـــــرب صــــــان ......

يا أهلا يا أهلا

بسم الله الرحمن الرحيم

فى البداية أحب اعرفكم بنفسى 

انا محمد مصطفى الخطيب 

طالب بالفرقة الخامسة بكلية طب طنطا !!!

(( للأسف ))

هتتساءلوا للأسف ليه ؟؟؟

هل علشان كلية طب ولا علشان طنطا

فأنا هقولكم علشان طب وبخاصة عشان طنطا

ملحوظة 1 ... طنطا أم الدنيا 

ملحوظة 2 ... أنا مش بحب طنطا خاااااااااااااااااااااااااااالص

عايش فى كفر الشيخ وبحبها أوى 

اتمنى بجد انى افضل عايش هنا

اللهم إلا ربنا لم يرد ذلك

بهنى نفسى فى البداية برده على انشاء هذه المدونة

اللى ان شاء الله تعجبكم وأحاول اقدم فيها كل ماهو جديد 

وان شا الله هنكون مع بعض 

كل يوم سبت بوست جديد 

الى ان نلتقى ....... لكم خالص تحياتى